Rakhe ka Synjuk ki Kynthei Katholik Shg. Archdiocese Zone I ïa ka sngi pynneh pynsah ‘Mei Mariang’

Shillong, Jylliew: Ka Synjuk ki Kynthei Katholik Shillong Archdiocese Zone I ryngkat ka jingïatreilang bad ka St. Gabriel Hr. Sec. School, 3 mer Upp Shillong bad ka St. Gabriel Outreach ka la pynlong ka jingrakhe ïa ka sngi pynneh pynsah ïa ka “Mei Mariang” ha ka 5 tarik mynta u bnai ha phyllaw ka ïingmane ka St. Paul Parish upper Shillong hapoh ka jingpeit jingkhmih bad ka jingpynïaid jong I Fr. Tobias K.Ngapkynta, iba long ruh i Parish Priest bad Secretary jong ka St. Gabriel Outreach.
ïa kane ka sngi la pyniphuh iphieng da ka jingrwai bad jingshad na ki khynnah skul ha kaba ïadei bad ka phang pdeng jong kane ka sngi ha ka jingdonlang ka Block Development Officer, Mylliem C & RD Block, Ka Saloni Verma, IAS kum ka kongsan . Haba kren kum ka kongsan ka Saloni Verma ka la ïaroh shibun ïa ka Seng Kynthei Katholik, ka skul bad ka St. Gabriel outreach kaba shim ïa kane ka bynta ryngkat lang bad baroh shityllup ka pyrthei ban rakhe ïa kane ka sngi, bad ka kyrpad ïa baroh ban shimkhia ban ïada ïa ka mariang ym tang ha kane ka sngi hynrei ha man la sngi da kaba pynlong ïa ka jaka sawdong jong ngi kaba khuid bad kaba jynrgngam.
Kiba kren ha kane ka sngi kynthup ïa I Bah Daniel Thangkhiew, OSD, sha u Myntri Rangbah ka jylla, Bah John Jarain, Vice Principal St. Gabriel Hr. Sec. School, Bah R. S. Nongbri, Asst. Director MSME, GoI, Ph. Tobias K.ngapkynta, Kong Jris Sunn, President, Synjuk ki Kynthei Katholik Shillong Archdiocese Zone I, Bah Albinus Nongkynrih, Asst. Manager cum ERP i/c EFC, Mawryngkneng C & RD Block bad kiwei kiwei. ïa kane ka prokram la pynïaid da I Kong Magareth Kharsohnoh, Secretary Seng Kynthei Katholik Shillong Archdiocese Zone I.
Kiwei pat kiba donlang ki kynthup ïa IPh. Genesimus Nongneng, Asst. Parish Priest St. Paul Parish, Sr. Hazel Rymbai, Principal St Gabriel Hr. Sec. School, Bah Wanjop Laloo, Director ka St. Gabriel outreach, Kong K. Marbaniang, Rtd Jt Director, ka tnat ka Social Welfare, ka Sorkar jylla iba bat ruh kum I President jong ka Seng Kynthei Shillong Archdiocese Zone I, Bah Mitchell Kharmalki, Secretary PPC, Bah Vincent Kharmalki, Chairman jong ka 3 mer Sub- District, ki nonghikai, ki longkmie ki khynnah skul kiba la don palat 100 ngut.
Kum ban shu pynkynmaw hangne ba la seng ïa ka St. Gabriel Outreach hapoh ka jingpeit jingkhmih jong I Fr. Tobias K.Ngapkynta na ka bynta ban wanrah ïa ki jingdonkam jong ki khynnah samla kynthei bad shynrang kum ka NIOS, ka Guidance & counselling services ha Albera Home Youth Development Centre, ka evening skul na ka bynta ki 10+2 ki khynnah samla kiba la trei mynsngi khnang ba kin lah ban bteng ïa ka jingpule jong ki, kiwei pat kiVocational training kum ka jingai jinghikai ha ka liang ki computer bad kiwei kiwei de.