Shillong, Jylliew 6: Ka Education cell jong ka Hynniewtrep Youth’s Council (HYC) ka la dawa ïa ka Sorkar Jylla ban wan rah kham bun ki centre ban ïakhun ïa ka eksam Common University Entrance Test (CUET) ha Jylla Meghalaya.
Ha ka shithi sha u Myntri ka Tnad Pule Puthi Rakkam A Sangma hynne ka sngi Nyngkong, u Education Secretary ka HYC Enlang Sawian ula ong ba ka jingbym don ki CUET centre haka Jylla kala pynbor ïa ki samla pule n aka Jylla kiba kwah rung klas jong ka UG bad PG ha kylleng ki jaka pule ka Ri, ki hap ban leit shaduh Guwahati, Assam ban ïakhun ïa ka eksam.
Ka Council kala pynpaw ïa ka jingkyrmen ba ka Sorkar kan sa shim ïa ki sienjam ha ka ban leh eiei kham kloi halor kane ka jingeh jong ki samla pule.
