Shillong, Jylliew 02: Hadien ba la mih bun kiba la pynkylla sha ki Jait ne Kur Khasi da kaba shu leh affidavit, ka KHADC ka la pynmih da ka jingpynbna ne ka Notification ban maham ïa baroh ba kim lah ban shi pynkylla na ki Kut ne ki Jait bym dei Khasi sha ka Kur Khasi khlem da ïoh jingbit na ka Registration Authority bad ka Executive Committee jong ka KHADC.
Kane ka hukum ba la pynmih da ka Registration Authority jong ka KHADC, la ong ba ka Khasi Hills Autonomous District (Khasi Social Custom of Lineage) Act 1997, ka khang pyrshah ïa kane ka jingshim jait ne ka jingpynkylla jait, khlem da ïoh jingbit na ka KHADC.
Ha kajuh ka por ka KHADC ka bthah ruh ïa kino kino ki bor kiba hap hapoh u pud u sam ka KHADC ba kim dei ban pdiang ïa kino kino ki jingpynkylla jait sha ka jait Khasi ia kino kino ki briew khlem da ïoh da ka jingthoh na ki bor jong ka KHADC.
