Shillong, Jylliew 02 : U Myntri ka Tnad C&RD Abu Taher Mondal mynta ka sngi Thohdieng, ula pyntip ba haduh mynta ka Sorkar kam pat don jingthmu satia ban thaw ïa ki C&RD Block ba thymmai hapoh ka Jylla.
“ïa mynta hi, kam pat don ka jingtyrwa ban pynkha Block thymmai. Kumba nga la dep kren teng, kane ka dei ka kam kaba shong ha ka jingsngew donkam jong ka Sorkar ban thaws ïa ka Block thymmai” ula ong.
U Myntri u pyntip ba ka Sorkar kala ïoh pdiang haduh 5-6 tylli ki application ban pynkha ïa ka Block thymmai hynrei kam pat shym rai satia halor kine.
“Ngi la ïoh pdiang ïa ki application ban pynkha thymmai hynrei na ka Sorkar hi kam pat don ka jingtyrwa ban pynkha” ula bynrap.
