1. Ka pynhiar kadei ka jingleit bar da ka um kaba jia lai sien ne tam ïa kata ha ka shisngi.
2. Ïa ka pynhiar la wanrah da ki khñiang jingpang ki ba ïoh rung ha shyntur na ki jingbam jingdih ba la sñiew ne da kaba ktah ïa ka shyntur da ki kti ba jaboh ne ka jingpyndonkam ïa ki shamoit ne pela ba jaboh haba bam.
3. Ka jingduna um bad mluh ka wanrah ïa ka jingtlot ha ka met. Lada ym ïoh ban pynbiang ïa kane ka jingduna um da kaba ai jingdih, ki khyllung khynnah ki lah ban ïap noh na ka jingtyrkhong ka met.
4. Ïa ka pynhiar lah ban ïada da kaba ai ki jingdih kiba la pyntikna bha ba ki dei ki bym sniew ne don jingma ne khñiang, kum ka um kaba bha kaba khuid, ka um snepkor, ne ka umshit ja. Ki khyllung ki kham donkam bha ïa ka dud jong ka kmie.
5. I khyllung ba pang pynhiar i tyrkhong ka shyntur bad thylliej, i don ka jingthem ki khmat, im don ummat, ka sniehdoh jong i ka long kaba ai tan bad ki kti ki kjat ki pjah. Ki khyllung ki lah ban don ruh ïa i jaka ba jem ha ka khlieh.
6. Ki khynnah kiba leit bar ba long um palat iaka san sien shisngi ne ka jingleit bar balong um bad khleh snam ne ha ba ki sdang ruh ban prie ki dei ban leit bran bran sha ki doctor.
7. Thied ïa u ORS (Oral Rehydration Solution) na ki jaka ai jingsumar ne na dukan die dawai. Khleh bha ïa u katkum ka jingbatai bad ka um kaba khuid ban pynlong ïa ka jingdih ba ïarap bha na ka bynta ka pynhiar.
8. Bun ki dawai pynhiar kim treikam, hynrei u dawai ba don ïa ka Zinc u pynsangeh ïa ka pynhiar kham kloi na ka bynta ki khyllung kiba la palat ïa ka 6 bnai. Dei ban ai ïa u ORS ruh.
9. Ki khynnah kiba pang pynhiar ki donkam ïa ki jingbam kiba bang, ki jingbam ba la khñiot ne khleh pynjem bunsien, khnang ba ka met jong ki kan ïoh bor kloi.
10. Ïaka pynhiar lah ban ïada da kaba ai buiñ ïa ki khyllung, da kaba leh khuid, ka jingai dawai tika (khamtam pyrshah ïa u khñiang jingpang Rotavirus bad ñiangpyrsit) bad da kaba pyntikna ba ka bam ka dih ka long ka bha ba lait na ki khñiang jingpang. Kine ki khubor ka koit ka khiah
