Ka jingthaba jingshai ki screen ka pynthut thiah

0

Kham bun nangi ngi tip ba ka jingkhmih palat ha ki screen – la ka long ki kor kompiwtor lane mobile phone – ki wallam ka jingthut thiah bad ka ktah ïa ka jingtreikam ki dkhot met khamtam ïa ki khmat. Ki cell kiba don ha ki khmat lada ki jur palat ka jingpynshah ha ki jingthaba ka jingshai ha ka por thiah khamtam ki screen ka kylla long ka daw jingpynkylla ka por treikam ki cell ha ka met ba la tip kum circadian rhythm. Lada kine ki cell ki jur ka jingphalang lane thaba ka jingshai ha ka por mynmiet ka por treikam ki cell hapoh ka met kam ryntih shuh shuh. Ka wallam ka jingthut ha ka liang ka koit ka khiah. Ki bynta ba shadien ki khmat jongngi ki don ki kynja membrane kiba la tip kum ki retina, bad hapoh jong ki jingshai ki don kynja phngit kiba ritbha ha ka jingthaba ka jingshai bala tip kum pixel ha ki camera.
Lada kine ki cell ki bteng ban pynshah ha ki jingthaba jing-shai ne screen, ka protein ba la tip kum ka melanopsin ruh ka ryntih ha ka jingbteng ban treikam langki, kaba ju don bynta jing-ïasnoh sha ka jabieng kaba pynlong ban peitmat, thut thiah. Ka Melanopsin ka dei kaba treikam borbah halor ka jingpynkylla ka por treikam hapoh ka met jongngi hadien shiphew minit ba pynshah ha ka jingshai ka light, bad hapoh ka jingshai kaba thaba jong ka tahba jingshai ka don ka jingbanbor halor ki hormone melatonin, kiba don bynta bad ka jingïohthiah. Haba ïanujor bad kiwei pat ki cell kiba don bynta halor ka jingpynshah ha ka jingshai jong ka light ha ki khmat, ki melanopsin cell ki kham nehslem katba dang neh ka jingshai, ne wat hadien katto katne sekhon ba la sangeh ka jingphalang jingshai.
Kane ka jingshem ka dei kaba lah ban plie lad thymmai halor ka jingshim ki lad jingsumar na ka bynta ka migraine, ka jingthut thiah bad ka jingthut ka por treikam hapoh ka met-kiba paw ba don jingïadei bad ka jingthut treikam ha ka liang ka bor jabieng, ka jingngat ha ka jingpang bampong, ka jingjur ka jingsngaid, ka jingkyntait ka met ban pyndonkam ka insulin, ki jingshitom ba mih na ka jingtlot ka bor met bad kwiei de.
Ka bala khleh lang khyndiat u shynrai ka dei kiba lah ban ïarap halor ka jingïohthiah bha. Ki stad ka koit ka khiah ki la kam ba ka jingdih shiklat ka dud ba khleh lang khyndiat u shynrai ka dei kaba ai jingmyntoi halor ka jingïohthiah bha. Ïa kane ka jingshem ne jingpynpaw la kyrshan ruh katkum ka jingstad saian hapdeng ka jingkdew ba ka dud ka don ka tryptophan, ka amino acid kaba lah ban kylla sha ka serotonin, ba la tip ba ki dei kiba lah ban wallam ka jinglong jaijai bad palei ha ka jabieng bad ïarap halor ka jinglah ban ïohthiah bha. Khleh tang khyndiat u shynrai ha ka dud syaid bad sa dih pat hashuwa ban thiah. U Shynrai u dei uba don ka bor ba lah ban ai jingïarap ha kiba bun ki liang. Kumjuh ruh u don ki antioxidant, ka bor ba lah ban ïakhun pyrshah ïa ki bacteria bad virus bad ka jinglah ban pynduna ka jingkiew ka jinglong tyrha.

Leave A Reply

Your email address will not be published.