Khliehriat Iaïong 22: U Deputy Commissioner, East Jaiñtia Hills District, Khliehriat da kane u pyntip sha baroh ki nongshong shnong jong ka district, ba katkum ka hukum ne Order da ka ïingbishar Supreme Court ba donburom ka India lyngba ka Writ Petition (Civil) No. 539 of 2021, baroh kito ki ba kam na ka bynta ban ïoh ïa ka jingiarap pisa ki dei ban kam hapoh ka hynriewphew sngi naduh ka sngi ba khlad namar ka jingpang Covid-19, kata shwa jong ka 20.03.2022. Hynrei, na ka bynta kito ki ba khlad hadien jong ka 20.03.2022, la ai por khyndaiphew sngi naduh ka tarik ba khlad namar kane ka jingpang Covid-19, kata ban kam ïa kane ka jingïoh jingïarap.Ki nong ïoh jingmyntoi ki dei ban wanrah ryngkat ïa ki kot ki sla ba donkam sha ka ophis jong u Deputy Commi ssioner, ka ban kynthup ïa ka aplikeshon, syrnod ba khlad (Death Certificate) na ki bor ba dei khmih, ka daw jong ka jingkhlad, ki jingbatai bniah ki ba ïadei bad ki bank, Epic bad u nombor phone.
