Shillong, Lber: Ka tnat shipai Border Security Force (BSF) 43Bn Meghalaya ha ka jingpyrshang ban khmih na ka bynta ka bha ka miat jong ki nongshong shnong ha ki thaiñ khappud, ka la pynlong da ka prokram aijingsumar ei hynnin ka sngi ha ki bynta khappud hapoh South Garo Hills.
Na ka liang ki dokor jong kane ka tnat shipai bad na PHC Rongra ki la pynlong ka jingïasyllok bad eksamin bad sam ei ruh ïa ki dawai dashin.
Nalor ka jingpynlong ïa kane ka prokram aijing sumar, ki BSF ki la sam ei ruh da ki kor komputror ki miej bad ki tiar ïalehkai sport na ka bynta ki skul bad ki khynnah samla.Nalor kata la sam ruh ïa kiwei pat ki tiar donkam kum ki tin sopïing, ki jaka buh um hapdeng ki nongshong shnong kiba duna ha ka ïoh ka kot ha ki thaiñ khappud ha Baghmara, Bhawanipur, Phanda, Rongra bad kiwei kiwei.Na ka liang kine ki nongshong shnong ki la pynpaw ka jingai khublei kyrpang ïa kine ki kam lehbha jong ki BSF.
“Ki shipai BSF barabor ki ju kner ïa ki lad jingïarap sha ki paid nongshong shnong ha ki thaiñ khappud khnang ban kyntiew ïa ka ïoh ka kot bad ka bha ka miat bad kan dang ïai bteng ban leh ïa kane ha ki sngi ki por ki ban dang wan,” ong u nongaiktien ki BSF.
