Jowai, Ïaïong 19: Ka Tep Kyndait Government U.P. School, Tuber Kmaichnong ha kane ka 18 tarik mynta u bnai kala pynlong da ka jingïaid rally Rally sha surok rah (NH) shi bynta na ka ‘World No Tobacco Week’, ban ïaleh pyrshah ïa ka jingdih duna.
Ïa kane ka prokram la pynlong da katei hi ka skul shi bynta ban ai jinghikai sha ki paidbah halor ka jingshahktah jong ka jingim u briew na ka jingdih duma bad kaba lah ruh ban ktah ïa ka lyer ban ring mynsiem, ha kane ka sngi la rah lang ïa ki placard ba la ïashim bynta da ki khynnah, ki nonghikai ha ryngkat ki nongshong shnong ka thaiñ.
Na ka liang jong ka skul kala don jingthmu ban pynduh pyndam shi syndon ïa ka jingdih duma ha talawiar sawdong jong ki bynta ka skul da ka jingïasnohkti lang jong kiba bun ba lang.
