Mawkyrwat, Lber, 01: U District Magistrate jong ka South West Khasi Hills District u la ai ïa kane ka jingpynbna paidbah ba la pynjari ïa ka kyndon aiñ 144 CrPC ha baroh kawei ka South West Khasi Hills District ha kaba la khang na kaba ïaid Rally ne Procession naduh ka 02 tarik u Lber, 2023 kaba dei ka sngi ñiew vote haduh ka 4 baje janmiet jong ka 4 tarik u Lber, 2023.
La pynjari ïa kane ka hukum khnang ba kan don ka jingïaid-beit ïaid-ryntih bad ka shongsuk shongshngaiñ ha ka distrik namar hadien ba la dep ka jingñiew vote ha ka 02 tarik u Lber, 2023 ka lah ban don ka jingïalum paidbah ha ka ban ïaleh kmen halor ka jingjop jong uno uno u kyrtong kaba lah ban wanrah ïa ka jingthut ha ka shongsuk shongshngaiñ ha ka distrik.
Kane ka hukum kan treikam mardor naduh mynta ka sngi ka 01 tarik u Lber, 2023.
