Khliehriat Iaiong 16: Ka ‘er iong ‘er ngit kaba la khie ka la pyn julor ïa ki ar tylli ki iïng ha shnong Daistong, East Jaiñtia Hills District, ha kaba ka lyer ka la lied lut ïa baroh ki tin sop iïng bad ka um slap ka la rung lynshop hapoh ki iïng.
Ki iïng kiba la julor bha ki dei ka ïing jong u bah Old Dkhar bad ka iïng u bah Pheiñ Sutnga, ha kaba ka lyer ka la kit lut sha jmgai bah ïa ki tin sop ïing, kumjuh ruh ka lyer ka la pynjulor ïa ki lyntang kiba ker iïng, kane ka jing jia ka la jia hynnin jan miet ha ka por kumba 6.30 haduh 7.30 jan miet ong ki tyllong khubor ba la ioh lum.
