Shillong, Ïaiong 15: Ka East Khasi Hills District kaba shah ktah jur tam ha ka khlam Covid-19 ha kine ki laisnem tam, mynta kala lait na ka jingdon jong ki nongpang Covid-19 da ka jingkoit lut baroh ki nongpang.
Ha East Khasi Hills, haduh 47078 ki briew kila ïoh ïa kane ka jingpang hynrei napdeng kine, 46003 ngut kila ïoh pat ïa ka jingkoit bad 1075 ngut kila ïap.
Kat kum ka jingpyntip ka Tnad ka Koit ka Khiah, satang saw tylli ki District kiba dang don ïa ki nongpang mynta sa mar iwei (4 active case) bad kine ki dei ka East Jaiñtia, West Jaiñtia, West Khasi Hills bad Ri-Bhoi District.
Ka Tnad ka pyntip ba ha kine ki arphew saw kynta bala leit noh, ym shym la don satia ki briew ba dang ïabit thymmai ïa ka jingpang bad kumjuh ruh kiba nang koit bad kiba dang ïap.
Haduh 93786 ngut ki briew kila ïabit ïa kane ka jingpang ha kine ki laisnem tam mynta hynrei haduh 92189 kila ïoh pat ïa ka jingkoit.
