La pynhap pyrda ïaka lympung ïalehkai ‘Badminton bad Carrom Board’ ki nongtreikam sorkar

Jowai, Ïaïong 15: Ka jingïalehkai ‘Badminton bad Carrom Board’ jong ki nongtreikam sorkar ba la pynïaid da ka Meghalaya State Government Emplo-yees Federation (MSGEF) Jaiñtia Hills Unit, Jowai mynta ka sngi (Thursday) kala poi noh sha kaba kut jong ka jingïakhun phainal ba la pynlong ha Seiñ Raij Indoor Hall Auditorium (Tpep Pale) Jowai.
Ïa kane ka lympung la wan ban pynhap pyrda da u kongsan ma D. Pyrbot, District Agriculture Officer WJHD, ha ryngkat ka jingdonlang u Dr. D. I. Kjam, District A.H. and Veterinary Officer, Jowai, u District Sports Officer WJHD ma K. Passah, ma I Muksor, ma T. Laloo bad kiwei de kiba la shah khot sngewbha, ïa ka jingïalang ba lyngkot ba pynïaid da u President ka MSGEF ma H. Mohrmen.
Haba phai sha ka jingïakhun phainal jong ka Badminton ha ka kyrdan Men Double u Inar Kyndiah bad u Roskil Challam na ka tnad PHE kila jop ïa u Peter Lamare bad u Rimilan Passah na ka tnad DM&HO kaba long da 21-9, 16-21 bad 21-17. Katba ha ka jingïakhun Men Single u Peter Lamare na ka DM&HO ula lah ban pynliem syndon ïa u Da-u-ru Laloo ka PWD da 16-21, 21-10 bad 21-17.
Ha ka jingïakhun Corrom Board ki nongjop ‘Winner’ ha ka Men Double ki long u Satis fyme Dkhar bad u Bashan-bor Dkhar na ka Kiang Nangbah Government College (KNGC) da kaba pynliem ïa u Holywell Dhar ba u George Hamil-ton Kungte na ka Assistant Director of Information and Public Relations (ADIPR). Katba ha ka Men Single u Carmel Kharbihkhiew na ka (Sta-tistic) ula jop ïa u Holy well Dhar ka (ADIRP).
Ïa ki khusnam sha ki nongjop la sam da u kongsan jong kane ka sngi, uba la ai ruh ka jingïaroh ïa kane ka seng ki nongtreikam sorkar (MSGEF) kaba la shim ïa kane ka bynta ban ailad lem ïa ki para nongtreikam sorkar ba kin ïoh lad ban ïashim bynta lang ha kum kine ki jait jingïalehkai kiba lah ban pynpyngngad ïa ki jingmut jingpyrkhat bad ha ka juh ka por kan pynïoh haki ïa ka bor met kaba koit ba khiah.