Jowai, Ïaïong 15: Ka jingjur palat u slap bad ka jingtied u pyrthat ha kane ka 14 tarik u Ïaïong ha ka por kumba 1 baje shiteng synnia, kila don haduh 6 tylli ki masi kiba la kyllon ïap na ka jingshah pom pyrthat kaba la jia haka shnong Lurniang kaba hap hapoh ka Amlarem Sub-Division WJH.
Ïa kitei ki Masi la dei trai da ka kong Rina Dong, la ïathuh ruh ba ka jingduh nong na ka jingïap shah pom pyrthat ki masi hapoh sem kala kot sha ka 4 lak tyngka, halor kane na ka liang kitei ki trai ki la dep ban pyntip mar mar sha ki bor sorkar ban wan jurip ïa katei ka jingjia.
Ha katei hi ka sngi ki bor sorkar na ka ophis u BDO Amlarem Block kila leit hiar sha katei ka jaka ba jia na ka bynta ban ïoh leh ïa kaba donkam.
