Khliehriat Iaiong 12: Ki dkhot jong ka Meghalaya People’s United Front East Jaiñtia Hills District kaba hapoh ka jingialam u President u samla Kyrshan Blah, mynta ka sngi ki la leit ban buh da ka jingthoh ha khmat u Commissioner jong ka tnat Transport ha Shillong ban dawa ban buh Motor Vehicle Inspector (MVI) noh ha East Jaiñtia Hills District, namar ka seng ka la lap ba ym don MVI hapoh ka district mynta la kumba hynriew bnai, ha shwa kane ka seng ka la leit ban iakynduh ïa u District Transport Officer ka East jJaiñtia Hills District bad iakren halor kane ka mat.
Ki nongialm bad ki dkhot ka MPUF East Jaintia Hills, ki la ïakynduh bad iakren bad u Assistant Commissioner jong ka Transport ha Shillong bad aiti ruh ïa ka dorkhas ha u tei u heh jong ka tnat.
Ha kaba iakren bad u Assistant Commissioner, ki dkhot ka seng ki la pynpaw ba ka long kaba donkam eh ban don ki MVI ha poh District, la ong ba na ka liang utei u heh ka tnat Transport ruh u la kular ba un shim khia ïa kane ka jingdawa jong ka seng.
Haba kren sha ki pahthai khubor, u President jong ka MPUF East Jaiñtia Hills District u samla Kyrshan Blah u la ong ba ka jingbym don MVI ka buh jingeh bha ïa ki paidbah jong ka thaiñ khamtam ha kaba iadei bad kino kino ki kam kiba iadei bad ki kali ki motor, kumjuh ruh ka buh jingeh bha ïa u DTO jong ka District ha kaba u hap ban peit lut hi na dong sha dong, kumta naka liang ka seng ka kyntu jur ïa ka ophis treikam jong u Commissioner of Transports ba kan shim khia ïa kane ka kam khnang ba ki paidbah jong ka District kin dup lah ban pyndep ïa ki kam jong ki haka jingiadei bad katei ka tnat.
