Jowai, Ïaïong 12: Ka Hynñiewtrep National Youth Front – Nartiang Circle mynta ka sngi 12 tarik ka la beh krad ïs ar ngut ki bar jylla kiba wan ba thied tin jot na kane ka shnong hapoh ka West Jaiñtia Hills.
Kane ka seng ka shait leh ïa kane ka kam halor ka nongrim ba ki bar jylla ki bym don ïaki kot ki sla kiba biang kam ju ailad ban trei sha ki bynta ba hap hapoh ka area jong ka.
Shuh shuh kane ka jingleh jong ka seng ka long ba ki jait jingtrei kiba ki Khasi Pnar ki dang lah ban trei ka seng kan ym ailad ïa ki bar jylla ban tuh bad kamai iaki ja kphoh jong ki naka Ri ba ieid jong ngi.
Ka seng ka bynrap ruh ba ha kane ka area katba ka dang lah ban teh lakam ïaka jing wan kamai spah jong ki barjylla kan ym aili satia bad ka seng kan dang ïai leh ban pynneh pynsah ïaka shnong khlem da don ki dkhar ym kumba long ki wei pat ki shnong pynkut ka kyrwoh na u president ka seng samla Dawanyo Symblai.
