Ka “Orientation Programme na ka bynta ka Meghalaya Civil Services (MCS)” kan long ha SSC, Mawkyrwat

Mawkyrwat, Ïaïong 12: Ka Ophis jong ka Deputy Commissioner, South West Khasi Hills District Mawkynvat bad ka ophis jong u District Employment Officer, South West Khasi Hills District, Mawkyrwat ka pyntip paidbah ba kan sa don ka “Orientation Programme na ka bynta kito ki samla kiba don jingthmu ban ïaleh ïa ka egsam Meghalaya Civil Services (MCS)” ha ka 21 tarik u Ïalong, 2022 por 2 baje janmiet ha Sngap Syiem College (SSC), Mawkyrwat.
Ïa kane ka program yn pynïaid da u Principal jong ka Sngap Syiem College, Mawkyrwat bad ki Resource Person ki ban pynshai ne ai jinghikai ha kane ka sngi ki long u Additional Deputy Commissioner bad ki Extra Assistant Commissioner/Block Development Officer jong kane ka distrik, South West Khasi Hills.
La bthah ïa ki nongïashimbynta ba kin pynrung kyrteng ïa lade sha ka ophis jong ka Deputy Commissioner (Room No. 8) lane pynrung kyrteng lyngba ka online na ka link kaba don ha ka website: southwestkhasihills.gov.in, sha ka ophis jong u Sub-Divisional Officer (C), Ranikor Civil Sub-Division lane sha ka ophis jong u Block Development Officer, Mawkyrwat/Ranikor C&RD Block ha lane shwa ïa ka 19.04.2022.