Pyniar ka [24]7.ai ia ka jingtrei jong ka ha Meghalaya da kaba buh iaka jaka trei kaba ngiam haduh 400 ngut

Shillong, Nohprah: U myntri rangbah ka jylla Meghalaya, U Conrad Sangma, bad u myntri ka tnad ki kam Information Technology, U. Hamletson Dohling, ki la plie paidbah ïa ka jaka treikam kaba heh kumba 25,000 sqft. Ha kine ki ar snem ban wan, ka kompany ka thmu ban bei tyngka ban thaw kumba palat 2500 tylli ki kam ki jam la ki long kiba ha ka jaka treikam bad kiba ki kam kiba shabar hynrei kiba ïadei bad ka jaka treikam ha Meghalaya. India: Ka California headquartered [24]7.ai – kaba long ka kompany kaba ha khmat eh ha ka pyrthei na ka bynta ka intent-driven customer solutions bad contact center services – ka la plie paidbah ïa ka jaka treikam BPO kaba la ïaryngkat bad ki ri ka pyrthei ha Shillong Technology Park (kaba long ka tnad treikam kaba lai ha India) Kane ka kompany ka don ha kylleng jong ka North, Central bad South America, bad ha Philippines. Ki nongthied jong ka ki kynthup ïa ki 500 tylli ki kompany bapaw. Ka [24]7.ai kan sa bei tyngka ha Meghalaya, bad ka bynta ba ha khmat ka long:
Ban thaw ïa kumba 2500 tylli ki kam la ka long kaba trei bad ka kompany ne ki kam ba don jingïadei bad ka na ka bynta ki nong Meghalaya ha kine ki ar snem ban wan. Ki kompany jong ka kiba don sha bar ri kin ailad ïa ki dkhot jong ki ba ki lah ban trei sha kylleng. Da kaba buh ïa ka Meghalaya ha ka IT/ITeS map ka pyrthei, namar ka jinglah jong ka kompany ban leh ha kaba ïadei bad kine ki shlem IT bad ITeS.
Ban ai ïa ki samla ka jylla ba kin trei ïa ki kam sha bar ri ha ki 500 tylli ki kompany ba pawnam, da kaba pyndonkam ïa ki buit jingstad ha ka jingtreikam ban ïakren bad ki nongthied. Ka [24]7.ai ka la treikam ha Shillong kumba shisnem eiei bad ki jingdon jong ki nongtrei ki long kumba 300 ngut. Kane ka jaka trei kaba lah ban shong haduh 400 ngut, ka long ka jingtei kaba kyrpang bad ba itynnad bha ha Shillong Shillong Tech Park ïa kaba la tei ha ka jingheh ka ba long 25,000 sqft ka jaka/ Ka bynta ba hapoh jong kane ka jaka trei la shna pynitynnad bha ïa kaba la shna ha kata ka rukom ban aiburom ïa ki paid riewlum ka Meghalaya bad ïa ka riti dustur jong ka. Ki jaka ai jinghikai, ki jaka shongkai, ka jaka ai jingsumar bad ka jaka bam ki dei ki kamra kiba la shna lang ïa kaba la pynitynnad ban pynlong ïa kine ki kamra kiba baraoh kin sngewtynnad ban don.
Ka kompany ka thmu ba kan long kum ka nongaikam kaba ki briew kin sngewtynnad bad kan long ruh ka jaka kaba bun ki briew ki sngewtynnad ban trei da kaba pynlong ïa ka jaka trei kaba biang khnang ba kan wanrah ka jingsngewkmen ha ki nongtrei kiba kwah ban trei man la ka sngi, bad ka don ruh ka jingngeit ban trei bad leh ïa kiei kiei kiba bha tam bad ban trei na ka bynta ban kyntiew shuh shuh ïa ki sap ki phong jong ki khnang ba ki lah ban nang kiew ha ki kam ki jam jong ki.
Haba kren sha ki lad pathai khubor, U Myntri Rangbah ka jylla Meghalaya, U Conrad Sangma u ong “Ngi sngewkmen ba ka [24]7.ai ka la pynïar ïa ka jingtreikam jong ka ha Meghalaya da kaba buh ïa ka jaka trei kaba ngiam 400 ngut ki nongtrei ha kane ka jingtei kaba itynnad bad ïaryngkat bad ka pyrthei ha Shillong Technology Park. Kane kadei ka sien ba nyngkong ba ka BPO kaba nabar ri kan wan ban sdang ha ka jylla. Ka jingïarap ban thaw ïa ki lad ai kam ai jam ïa ki samla ka jylla ka dei kaba donkam ha khmat tam mynta, bad ki kompany kum ka [24]7.ai ki don ka bynta ba kongsan ban pynlong ïa ka Meghalaya kum ka IT/ ITeS hub kaban ïaryngkat bad ka pyrthei. Nga sngew kmen ba ngi lah ban nang pynjanai shuh ka jingïadei bad ban ai jingkyrshan ba pura ïa ka [24]7.ai.”
U Animesh Jain, Chief Delivery Officer – India & Americas, [24]7.ai u la ong, “Ngi sngewkmen ba ngi lah ban plie ïa kane ka jaka treikam thymmai ha Shillong Technology Park. Ngi la sdang ïaka jingtreikam jong ngi 22 snem mynshwa bad ka Shillong kadei kawei na ki jaka treikam ba hadien eh na ki 16 tylli ki jaka treikam kiba don ha kylleng ka pyrthei. Nga ai khublei ïa u myntri rangbah ka jylla, u myntri ka tnad Information Technology bad ka sorkar Meghalaya na ka bynta ba ki long kiba kongsan ha kane ka jingïaid lynti, bad naka bynta ka jingai jingkyrshan ba ngin sdang ïa ka jingtreikam ha ka jylla. Ka Meghalaya ka don ïa ki sap ki phong ba tbit bad ka jingdon jong ka jaka treikam kan ïarap ïa ka [24]7.ai ba kan pynïar ïa ki kam jong ka. Kum shi bynta jong ka jingangnud jong ngi, ngi thmu ban bei tyngka ha ka jylla bad pynïar ïa ka jingtreikam khnang ba ngi lah ban ai ïa ki kam ki jam la ka long ha ka jaka trei ne kiwei ki kam kiba ïadei bad ka sha ki samla ka jylla. Ngi la aiti ba ngin long kum ki nongthepkam ba ki briew kin kwah ban trei ha ka jylla Meghalaya bad ka jingthmu ka long ban ai lad ïa ki shnong ki thaw ba ki lah ban pyntbit ïa ki kam jong ki da kaba trei bad ngi.
Ngi khmih lynti ba ngin nang pynkhlaiñ ka jingïadei bad ka jylla Meghalaya bad ïarap ban kyntiew ïa ka ïoh ka kot.” Shaphang ka [24]7.ai
Ka [24]7.ai software bad ki jingshakri jong ka ki pyndonkam ïa ki jingstad ka juk mynta ne ki artificial intelligence, analytics, ka jingngam jylla ïa ka kam bad ka jingdon jong ki briew kiba tbit bha ïaka kam khnang ba yn lah ban wanrah ïa ki jingshakri kiba biang, kiba ïahap bad kiba pynhun ïa ki nongthied. Ka jingïaid jngai jong ka kompany ha ka ha ka rynsan jong ka AI, ryngkat bad ka jingtreikam kaba la 20 snem, ka pynkupbor ïa kane ka kompany kaba paw nam ha ka pyrthei ba kan lah ban ai ka jingshakri kaba bha tam ha baroh ki bynta kiba ïadei bad ka digital bad ki voice channels.
Na ka bynta ki jingtip ba kham bniah leit sha ka http://www.247.ai. [24]7 bad [24]7.ai ki kam jong ka [24]7.ai, Inc. Kiwei kiwei ki kam bad ki jingshakri ki lah ban kiba don ïa kine ki shap ne ki lah ban don ïa ki shap jong ki kompany ki trai jong ki.