Lahduh ka Mawsaiñ SC ha ka 1st Rowell Lyngdoh Memorial Volleyball Tournament

Mawkyrwat, Nohprah 11: Ka All Meghalaya Tri-namool Congress (AMTC) jong ka Maw-kyrwat Block Riwar Zone mynta ka sngi ka la pynkut noh ïa ka lympung ïalehkai volleyball ba la tip kum ka 1st Rowell Lyngdoh Memorial Volleyball Tour-nament 2022 ha kaba ka Mawsaiñ Sports Club ka la long ka nongjop ha madan jong ka shnong Tynnai, South West Khasi Hills District.
Haba phai ha ka jingïalehkai ka Mawsaiñ Sports Club ka la jop da 3 – 0 set pyrshah ïa ka Mawbidong Sports Club kata ka haba kheiñ ha ka jingïoh ka long ka Mawsaiñ Sports Club ha ka 1st set ka ïoh 25, ha ka 2nd set ka ïoh 25, bad ha ka 3rd set ka ïoh 25 katba ka Mawbidong Sports Club ha ka 1st set ka ïoh 20, ha ka 2nd set ka ïoh 20, bad ha ka 3rd set ka ïoh 15.
La sam ruh ïa ki khusnam ryngkat ka song pisa kaba T. 20 hajar sha ka Mawsaiñ Sports Club kum ka nongjop bad kumjuh sha ka Mawbidong Sports Club kaba la shah rem noh kabl a ioh khur ia ka song pisa T. 10 hajar bad ka khusnam kyrpang sha u Wadbor Mylliem uba la ïoh ïa ka nam nongthap bol ba tbit ne best smash jong ka Mawsaiñ Sports Club.
Ha kane ka sngi la donlang u Sounder Strong Cajee, u kyrtong ka TMC Mawkyrwat Constituency, u samla Benjohnson Lyngdoh, President jong ka Mawkyrwat Constituency Socio Economical & Political Awareness Com-mittee (MCSEPAC) Youth Wings, u bah Donbor Nongsiej, Vice President TMC Mawkyrwat Black bad kiwei kiwei.