Yn ai jinghikai ka ophis u District Sports Officer West Jaiñtia Hills ha ki kam ïalehkai Athletic

Jowai, Nohprah 07: Ka ophis jong u District Sports Officer (DSO) ka West Jaintia Hills District kan sa pynlong ïa ka jingai jinghikai ha ki kam ïalehkai sport (Athletic) ïa kaba la tip kum ka Winter Coaching Camp na ka bynta ki khynnah shynrang bad kynthei kiba don ha ka rta kaba 13 haduh 16 snem.
Ïa kane ka jingai jinghikai yn pynlong ha ka taiew kaba nyngkong jong u Kyllalyngkot 2023.
Ha kaba ïadei bad kane na ka liang jong u DSO ula kyntu ïa baroh ki rang bad thei ïalehkai jong ka District West Jaiñtia Hills ba kin wan ban pynrung kyrteng ïalade ha ka ophis jong u ha Jowai ha ki por ba long trei. Ka tarik kaba khadduh ban pdiang ia ka jingpynrung kyrteng kan long ha ka 22/12/2022.
Ka jingkheiñ snem kan long naduh ka 1st July, 2007 shaneng. Baroh kiba wan pynrung kyrteng ki dei ban wanrah lang bad ka Xerox copy jong ka Birth Certificate jong ki.