Khliehriat naiwieng 29: Ka Seiñ Kur Dkhar Wapung Circle, kan pynlong ïa ka prokram pynkup burom ïa ki khun samla pule jong ka kur Dkhar kiba hap hapoh ka Wapung Circle kiba pass bha ha ki exam jong ki ha ka kyrdan SSLC, HSLC bad Graduate bad kiwei kiwei ki jingpule, ïa kane ka prokram yn pynlong ha ka 17 tarik u nohprah 2022 ha shnong Wapung, East Jaiñtia Hills District.
U President jong ka Seiñ Kur Dkhar, Wapung Circle, u bah Shaniahskhem Dkhar, u la pynshai shuh shuh bad ki shnong kiba hap hapoh kane ka Circle ki kynthup ka shnong Jalyiah, Khlieh Myntriang, Wapungskur, Wapungshnong, Pamrapaithlu, Pamrakmai, Mokhep, Iongkaluh, Sohkymphor bad ka Lum Mulieh, kumta ki samla pule jong ka kur Dkhar kiban ïoh ïa kane ka jingpynkup burom ki dei ban long ki nongshong shnong jong kine ki shnong.
Ki samla ki ban shah pynkup burom ki dei ban kynjoh ïa ki marks kiba 75 percent shaneng kata ha ka kyrdan pule jong ka SSLC bad HSSLC, katba na ka bynta ka kyrdan Graduate, Master Degree, Professional Course ba kynthup ïaki MBBS, Lawyer, Engineering bad kiwei, ki dei ban kynjoh ïa ka 60 percent shaneng. Ha kajuh ka por, ka Seiñ Kur Dkhar, Wapung Circle ka kyntu ïa ki samla pule ba kin pynpoi ïa ki marksheet, ka Certificate bad Residential Certificate jong kiba aplai hapoh ka 10 tarik u bnai nohprah 2022 bad ki lah ruh ban phone ïa u bah Francis Dkhar ha u number 8787777629, u bah Shaniahskhem Dkhar ha u number 6909 410 432 bad u bah Kyrshan Dkhar ha u number 69090 19993.
