Jowai, Naiwieng 28 : Ka West Jaiñtia District Sports Association (WJDSA) Jowai, lyngba u Hony. General Secretary u ma Lammat-oo Laloo ula pyntip ba ka Association ka khot ïashim bynta ha ka jingïakop ‘Open to All Traditional Archery Competition’ kane ka kynthup lang ïa baroh ki Affiliated Club hapoh ka Association.
La pynlong ïa kane ka lympung ka long shi bynta na ka jingrakhe dap 50 Snem ka jingshakri jong ka Association ban pynkiew ïa ka kam ïalehkai Sports hapoh ka District.
Ka bai rung na bynta ka jingïalehkai ba para marwei (single) kan long Rs.100/- marwei, ka Double Rs. 200/- shi kynhun ka khusnam sha ki nongjop Winner kan long Rs. 20000/-, Runner up Rs.10000/-, katba ha ka Single winner kan long Rs.10000/-, Runner up Rs.5000/-.
Ka tarik ba khadduh ban pynpoi ïa ka bai rung ka long ha lane shwa ka 7.12.22 hapoh ka por 2 janmiet ha u Hony. General Secretary WJDSA Jowai.
