Nongstoiñ, Naiwieng 22: Hynne ka step kawei ha ka por kumba 9 baje eiei, ka trok kaba don ïa u registration number ML10 C 5992 kaba mih na shaphang Nongstoiñ, da ka jingthmu ban hiar sha Shallang, hynrei haba la poi ha kawei ka jaka kaba khongwaiñ bha ha shnong Mawlangdep West Khasi Hills, ka la rat ïa kawei ka Bolero kaba don ïa u registration number ML 06 7331, ha kaba u nongñiah jong katei ka Bolero bad lai ngut ki khynnah skul kiba shong ha katei ka Bolero ki la mynsaw jur.Haduh ba thoh ïa ka khubor ym shym la lah satia ban tip ïa ka daw jong ka jingtynrah lane haduh ka jingjur ka jingmynsaw, hynrei la ong ba katei ka Bolero ka dang thmu ban leit buh ïa ki khynnah skul ba thoh eksam. Pynban la ong ba mar ia por ha katei ka jaka, katei ka trok 12 taiar ka la rat ïa katei ka Bolero kat haduh ba kiba don hapoh jong ka Bolero ki la mynsaw jur. Ïa kiba mynsaw sha jaka sumar bad ka jingtohkit ka dang ïaid shakhmat.
