Kynshi, Risaw 27: Ka Jingïaseng Samla Kynshi District kum ka jingïaleh ban pynmih pisa ban tei ïa ka ophis jong ka District kan pynlong da ka Marathon bad ka Foos Fest ha ka 29 tarik mynta u bnai.
Kane ka Marathon kadon ha ki ar bynta. Kawei kadei ka Open to all bad kawei pat kadei na ka bynta ki Samla kiba hapoh 14 snem. Na ka bynta ka Open to all, ka jingïamareh kan long na Lumsohkhlur, Mairang haduh ha Madan Kynshi Pyllun. Na ka bynta ki Samla ba hapoh 14 snem pat kan sdang na Bynther haduh Madan Kynshi Pyllun.
Ka Jingïaseng Samla ka la pynkhreh ruh ïa ki sopti ba kyrpang ban phong na ka bynta kane ka jingïa mareh, ha kaba la shon ruh ïa ki logo bad ka kyrteng jong kane ka jingïamareh. Kiba kwah ban ïashim bynta ki lah ban thied ïa kine ki sopti ba kyrpang ha ka dor 350 tyngka kawei na ka dukan die jaiñ jong i Kong Manosha Syiemlieh, ha Steshon Kynshi. Ka jingïamareh kan sdang ha ka por 7 baje mynstep.
Na ka bynta ka Open to all ka khusnam ka long 10,000 tyngka ïa kiba wan nyngkong ha ka jingïamareh, nangta ba ar 5000 tyngka, balai 3000 tyngka. Na ka bynta ki Under 14 pat ka Prais kan long 3000 tyngka ïa kiba wan nyngkong, 2000 tyngka ïa kiba wan ba ar bad 1000 tyngka ïa kiba wan balai. Ym ai lang ryngkat ki Trophy bad Certificate.
adien kane ka Marathon kan don ruh ka jingkhawai jingbam ne ka Food Fest bad ka Gospel Concert.
Na ka bynta lah ban ïoh na ki nongpynïaid jong ka JS Kynshi District.
