Shillong, Risaw : Ka Khasi Students’ Union (KSU) Sohiong Circle kan pynlong ïa ka jingsam khusnam “XVMaitshaphrang Award 2022” sha ki samla pule jong ka dong ka thaiñ Sohiong kiba wan shakhmat ha ki jingpule ki jong ki kum shibynta ban nang ai mynsiem bad pynshlur shuh shuh ïa ki ba kin nang lah ban kiew shaphrang ha ki jingpule.
Kane ka jingsam khusnam sha kine kiba pass bha kan long tang na ka bynta kito ki samla kiba hap hapoh jong kine ki thaiñ jong ka dong, kata ka Sohiong, Rangshken, Nongkseh, Weilyngkut, Nongbsap, Umsaw/Marpna bad Mawmaram.
Ki samla kiba lah ban aplai na ka bynta kane ka khusnam ki long na ka bynta ki klas 10 kiba ïoh 70% shaneng, klas 12 70% shaneng bad ki Graduate, Post Graduate, Professional kiba ïoh 65% shaneng.
Ki jingdonkam ki kynthup ia ka Marksheet final, certificate shnong bad phone nombor. ïa ki jingtip ba kham bniah lah ruh ban phone sha kine ki nombor :Donborlang Mawlong President -7005099901, Elijohn Thabah Edu Secy -8974751724 bad Marchkupar Thabah -8731052324.
Ka tarik ba khatduh ban pynpoi ïa ki aplikeshon kan long ha ka 29 tarik mynta u bnai Risaw 2022.Kane ka long katkum u kyrwoh lyngba u samla E.Thabah Edu. Secretary KSU Sohiong Circle.
