Ha ka jingihpuh iphieng la sdang ïa ka jingleh niam ki Hindu ha EJHD

0

Khliehriat risaw 3: Ka jingleh niam ki riew ngeit Hindu, ka Dussehra (Maha Navami Dashmi) ka la sdang shaid shaid ha East Jaiñtia Hills District ha kaba yn pynkut ïa kane ka jingleh niam ha ka 5 tarik mynta u bnai da ka jingleit bret ïa ki blei ha ki jaka ba la pynkhreh.
Ha baroh kawei ka East Jaiñtia Hills District, ki la don haduh khat ar tylli ki puja pandal ba la pynkhreh da ki Puja Committee bapher bapher ha Khliehriat East, ha Ladrymbai Datsimpeiñ, Ladrymbai Khliehdupon, ha ïew Umpleng, ha Naman Compund ha Sookilo bad hynñiew tylli pat ki pandal ki don ha ki karkhana dewbilat (cement plant) bapher bapher kiba don ha East Jaiñtia Hills District.
Ki bor synshar District jong ka East Jaiñtia Hills District, ki la pynkhreh ïa ka jaka ban bret ïa ki blei ha kawei ka jaka ha Umsyllih ha kaba ki blei na kitei ki san tylli ki puja pandal yn bret ha Umsyllih, katba ki karkhana dewbilat pat ki la pynkhreh la ki jong ki jaka hapoh ki cement plant jong ki hi ban bret ïa ki blei ynda la dep ïa ka jingleh niam kata ha ka 5 tarik, ka jingleit bret blei ha katei ka sngi kan sdang naduh ka por 1 baje nohphai sngi bad la khmih lynti ba yn lah ban pyndep hapoh ka 4.30 jan miet.

Leave A Reply

Your email address will not be published.