Shillong, Nailur : Ka Deputy Commissioner (Supply), East Khasi Hills District da kane ka pyntip ba ïa u Khaw rashon lyngba ka skhim PMGKAY na ka bynta ki longïing NFSA kiba kynthup ïa kiba don ïa ki card (AAY bad PHH) na ka bynta u bnai Nailur 2022 kumjuh ïa u Atta na ka bynta une u bnai la pyllait lyngba ki dukan sam rashon.
ïa u Khaw la pyllait na ka bynta 5 kilo shi khlieh khlem da donkam jingsiew, katba ïa u atta la pyllait na ka bynta 5 kilo shi card ha ki jaka sor bad 3kilo shi card ha ki thaiñ nongkyndong ha ka dor T.10.50/- shi kilo.
La kyntu ïa baroh ki dukan sam rashon ba kin sam ïa kane ka bha mar ïa poi ka mar bad ruh ban weng ïa ka list jong ki nongïoh jingmyntoi kumjuh ïa ka por treikam hapoh ki dukan ki jong ki.
Na ka liang ka Deputy Commissioner (Supply) ka kyrpad ruh ïa baroh ki nong ïoh jingmyntoi lyngba ka NFSA ba kin phah ïa ki Aadhaar number jong ki sha la ki jong ki dukan rashon na ka bynta ban lah ban pynïaid beit ha ka jingtreikam lyngba ka e-POS device.
Kino kino ki bym sam ïa kine ki mar bam lane kiba sam duna ne da ki mar bym bha dei ban pyntip sha ka ophis jong ka Deputy Commissioner (Supply), East Kasi Hills District, Shillong.
