Nongpoh, Nailur 20: Kumba 51 ngut ki nongkyrshan na ka party UDP, Congress bad NPP ha ka sngi Saitjain ki la wan ban pynïasoh sha ka party BJP kum shi bynta ban pynkhreh na ka bynta ka election 2023 na Nongpoh Constituency.
Kine ki nongkyrshan na ka party Congress, UDP bad NPP ki la leit ban pynïasoh sha ka party BJP ha Nongpoh Constituency ha ka jingïalang kaba la long ha ka ophis treikam ka BJP ha Gladden Tower, Nongpoh.
La sakhi lang ruh ha kane ka sngi ba kitei ki nongkyrshan na ka Congress, UDP bad BJP sha ka party BJP da ka jingdon lang ka Kong Marian Maring, kaba dei ka State Secretary ka BJP, u Paralad Toor, State Vice President, ka Nongpoh Mandal President, ka Kong Wanrika Lyngdoh bad kiwei kiwei ki nongïalam ka BJP na Nongpoh Constituency.
Na ka liang ka Kong Marian Maring, kaba dei ka State Secretary ka BJP bad kaba dei ruh ka kyrtong ka BJP na Nongpoh Constituency ka la pdiang burom ïa kitei ki nongkyrshan ka Congress, UDP bad NPP sha ka party BJP bad ka la pynpaw ruh ka jingkmen ba kat dang mih ki sngi ka BJP ha Nongpoh Constituency ka la dang ioh bor da ka jingwan kyrshan kiwei ïa kane ka party.
