Jowai, Nailur 20: Ka lympung ïalehkai kiba la kot 40 snem shaneng ne ka ‘40 Above Veteran Knockout Football Tournament-2022′ bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium Dongmihsngi, Jowai.
Ha ka jingïakhun la wan ban aireng da ka kynhun ïalehkai jong ka 12 Dalloi kaba la lah ban pynliem da 2-0 kol ïa ka West Jaiñtia Cultural Society, ïa kitei ki ar kol na ka 12 Dalloi la thep da u Wanbiang Sana ha ka minit ba 31 bad u Wadladmi Nangjngi ha ka minit ba 46.
Kane ka lympung kala jam noh sha ka jingïakhun Pre Quarter lashai ka sngi 21 tarik bad ka 22 tarik, katba ïa ka jingïakhun Quarter Final kan sdnag beit naduh ka 26 tarik shaneng.
