Nongpoh, Lber 30: U nongñiah jong ka bos KV School 9 mer mynta ka sngi u la duh syndon ïala ka jingim, bad 2 ngut ki khynnah skul kila mynsaw jur hadien ba ka bos skul kaba u ñiah kala leit ban tynrah ïa u divider ha surok bah ha 10 mer.
Katei ka jingjia kala jia mynta ka sngi haka por kumba shiteng sngi eiei ha kaba katei ka bos kaba don ïa u number AS 09C 7349 ka dang thmu ban leit sha Tetelia hynrei yn da poi ha katei ka jaka u nongñiah katei ka kali um lah shuh ban tehlakam ïaka kali bad leit tynrah beit ïaka jingker ha pdeng surok bah bad namar ka jingmynsaw kaba jur u nongñiah bala tip kyrteng kum u Jayant Rabha u la duh syndon ïala ka jingim hadien bala pynkit sha jaka sumar ha Guwahati bad kitei ki 2 ngut ki khynnah skul bala mynsaw jur ruh la pynkit lang sha jaka sumar ha Guwahati.
La ong ruh ba kitei ki khynnah skul kiba shong ha katei kaa bos ki dei kiba dang thmu ban leit thoh eksam sha Tetelia Province College, naka liang ki pulit ki dang pynlong ka jingtohkit halor katei ka jingjia.
