Nongpoh, Nailur 12: Kumba ju leh man la u snem ban lum ban lang ïaki khynnah don sap haka kam ïalehkai phutbol, ka Lynti Jam Welfare Development Association (LJWDA) kala pyntip ba kan sdang biang ï aka lympung ïalehkai Sunfeast Cup 2022 ka ban sdang naduh ka 26 tarik Nailur ha 2 tylli ki madan ïalehkai jong ka shnong Jyntru bad Mawleiñ Mawkhan ha Ri-Bhoi.
Haba kren sha ki lad pathai khubor mynta ka sngi naka liang u Bah Sumarlang Swer President ka LJWDA u la ong ba kum ka kynhun ka ju pynlong ïa katei ka lympung man la u snem da ka jingkyrshanlang ka ITC Bangalore ban lum ban lang bad ban sei ïaka sap ka phong ki khun samla ban long ruh kum ka rynsan khamtam ïa ki heprit haka kam ïalehkai phutbol.
Ha katei ka lympung Sunfeast Cup 2022 kumba 60 tylli ki kynhun bapher bapher kin wan ban shim bynta na kylleng ka jylla.
Ha kane ka Sun Feast Cup, yn pynlong ha ka kyrdan U-13 bad U-16 shapoh na ka bynta ki Shynrang bad 16 snem jong ki kynthei, ha kaba ïa ka jingkhmieh bñiah ïa ki rang bad thei ïalehkai (Screening) kan long ha ka 16 bad 17 tarik u Nailur ha Lyntijam LP Skul kaba don ha Mawtnum, Ri-Bhoi.
