Ngi ladep tip lut ïa ki kyrteng kiba donkti, dei ban rejistar case bad tohkit CBI

Shillong, Nailur 09: U para jong u Bah Cherishterfield Thangkhiew, u Bah Granary Thangkhiew, u la ong ba u la tip lut ïa ki kyrteng jong ki briew ba donkti ha kaba wan thombor ha ïing jong u hymmen jong u bad u la dawa ba ka sorkar kadei ban rejistar case noh ïa ki bad phah tohkit noh ha ka CBI.
Haba ïakren bad ki nongthoh khubor hadien ba ka sorkar MDA ka la wanrah ïa ka report ha Assembly, u Bah Granary u la ong ba ka ïing ka pdiang ïa kane ka report hynrei ka dawa pat ba dei ban rejistar case kyrkieh ïa kine kiba donkti bad ban phah tohkit ha ka CBI.
U Bah Granary, u la ong ruh ba wat lada kane ka report kaba la ïoh mynta ka sngi da kiba bun, ka la pyndam noh ïa ki kyrteng jong ki Pulit bad kiwei pat kiba la ai sakhi, hynrei na ka liang jong ka ïing, ki la tip lut ïa ki kyrten bad tip ruh mano ba donkti. “Dei na kane ka daw ngi dawa badei ban pynshitom beit ïa ki”, u la ong.