Nongpoh, Nailur 05: U wei u samla bala tip kyrteng kum u Batlakular Syngkli ba shong ba sah haka shnong Ñiangbari them Ri Bhoi u la kyndit ha kaba haka shiteng synñia u la shah beh kam khlem kano kano ka daw ha u wei u nongtrei jong ka Karkhana kaba la tip kum ka Satyam Steel Factory kaba don ha 13 mer, Byrnihat.
Haba ïa thuh halor ka tei ka jingjia u Samla Batlakular Syngkli u ba dei ruh u General Secretary jong ka seng National Hynñiewtrep People (NHP) jong ka Ri Bhoi District u la ïathuh ba haka por 1 baje mynstep jong ka sngi u Blei u wei u nongtrei jong ka Satyam Steel kaba don ha 13 mer Byrnihat u ba la buaid kyiad u la wan ban tim ban kren khor ia u samla Batlakular u ba dang don haka duty kum u nong ap pahara jong ka tei ka karkhana, hynrei kyndit kynsan utei u nongtrei u la beh beit ïa utei u samla khlem kano kano ka daw haka por shiteng synñia.
Mar ïa ioh jing tip halor kane naka liang ki nong ïalam jong ka NHM seng kmie bad na district ki ba kynthup ïa u Thehlut Syngkli president Ka Ri Bhoi District, Brapshoin Vice President, Lam Dympep President sengkmie ha ryngkat ki member ki la hiar shah katei ka Karkhana ban ïa kren bad ban tip shai na kaei ka daw ba ki beh kam ïa utei u samla shiteng synñia.
Ki nongïalam ka seng kila pyrshang ruh ban wat bad ban ioh jingshai na utei u nongtrei katei ka karkhana ba ju khot kum u Das, hynrei kim shym la kynduh satia ïa u ha kaba kila leit ban ïakren bad ki bor ba dei peit ïa katei ka karkhana bala lah pat ban pynbeit ïaka kam ha kaba ïa utei u samla Batlakular la phah noh sha kawei pat ka karkhana kaba don ha Raja Bagan katba ïa utei u Das la phah noh sha Guwahati.
