Jowai, Nailar 24: Ka Khasi Student Union (KSU) West Jaiñtia Hills District Unit kala phah ïaka khubor sngewlem sha kitto ki longïing ba shah pynïap haki riew thrangsnam kiba khlem da ñiewkor shuh ïaka jingim briew, namar tang hapoh shibnai kila ïoh ban shim ïa arngut ki mynsien ba lui-lui.
Ym tang ki shim ïaka jingim hynrei wat ïaka kali ba ki kamai jakpoh ban bsa khun ruh kila shim kim don shuh ïa katta ka jingïateplem para briew, Te kum ka seng hi kala buh ka jingmaham kaba tyngeh ïaki riew thrangsnam kiba kwah Tang ban bam ei ïaka syep kiwei.
Ka seng kala ai khublei ruh ïaka Police Department kiba la shimkhia ban leh ïa kaba donkam hadien tang katto katni sngi ki la lap ïaka metiap jong kine ki dribar kamai kiba shah pynïap kane ka pyni ba ka tnad Pulit kala trei shitom ha ka kam.
Ka seng kala kyrpad ruh ïaki paidbah khamtam ïaki nong ñiah kali baki dei ban husiar bha khamtam haka leit reserve, ka seng kala dawa ruh ïaki bor jong ka aiñ ban set shi jingim ïa kiba donkti ban pynïap ïa ki dribar kali kamai.
Ka seng haka juh ka por kala pyntikna ban ai ka jingkyrshan ïa kiba mat jingeh ha shiteng lynti, lada dei ki nongkamai kali, kumjuh ki passenger nongleit nongwan kam pher la haka por miet ne sngi, lada ki shah don kino kini kiba shah pyndik ha lynti-syngkieng kim ai jingtip beit sha ki nongïalam ka KSU, pynkut ka kyrwoh na u Laitphar Synkrem President ka KSU West Jaiñtia Hills District.
