Khliehriat, Nailar 25:Ka seng dewïong na East Jaiñtia Hills District, ka East Jaiñtia Mineral, Supplier Exporter and Importer Association, ka khot pynlong ïa ka jingïalang ha ka 27 tarik mynta u bnai nailar ha hotel Sweet Chile, ha Mynkre, ban ïakren halor ki kam kiba ïadei bad ki kam khaïi dewïong.
Katei ka Association ka khot bad pyntip ïa baroh ki nongkitkam bad ki dkhot ba kin sngewbha ban ïa poi khnang khnang sha katei ka jingialang. Ia ka East Jaiñtia Mineral, Supplier Exporter and Importer Association la saiñdur ha ka 9 tarik u nailar 2022 bad ka Head Office ka don ha shnong Mookhep, ki nongkitkam bad ki dkhot jong kantei ka Association ki kynthup u President, u bah Wanshwa Nongtdu, Vice President, u bah Heraldson Dkhar, General Secretary, u bah Yoomiki Kyndait, Assistant Secretary, u bah Rimeo Nongtdu, Treasurer, u bah Denis Siangshai, Deciplinary Secretary, u bah Pius Shylla, la jied ruh ïa ki dkhot executive.
