Jowai, Nailar 24 : Ka Meghalaya People’s United Front Central Governing Body MPUF-CGB haka khubor ba la phah da u Publicity Secretary ka seng u samla H. Bhoi, la ong ba ka seng ka pynrem jur ïaki runar ba pynïap dusmon ïaki mynsiem balui lui khlem da don shuh ka jingsngew para briew.
La ïathuh ba kane ka jingkynrei ki kam pynïap briew ka buh haka jingma ym tang ïaki nong kamai taxi hynrei ïaki nong shongshnong ka jylla hi baroh kawei.
Haka juh ka por ka seng ka ai khublei ïaka Police Department kaba trei shitom haduh ban da lap syndon ïaki ne ki riew thrangsnam. Shuh shuh ka seng ka dawa naki bor badei peit ïaka aiñ ba kin pynshitom tangeh ïa kum kine ki briew daka ba set along shijingim lane da kaba pasi khnang ba kan long ka nuksa ïaki wei pat ki riew thrangsnam pynkut ka kyrwoh.
