Shillong, Nailar : U Joint Director of Health Services (SS), Civil Hospital, Shillong da kane u pyntip ba ym pat don ba wan kam ïa kawei ka metïap jong uwei u nongpang uba la khlad noh ïa uba la tip kyrteng kum u Santosh Kashi, 57 snem rta u ba shong ba sah ha Sartapur, Goalpar, Assam.Une u briew ula wan shah sumar hapoh kane ka hospital ha ka 14.08.2022 bad ula khlad noh ha ka 19.08.2022. Kumta la kyntu ïa kiba haïing hasem bad kiwei pat kiba don jingïadei bad une u briew ba kin wan shimti noh mardor ïa kane ka met na ka jaka buh metïap jong kane ka hospital shwa ban aiti sha ka tnat Shillong Municipal Board ba kan leh ïa kaba donkam.
