Shillong, Nailar 05 : Namar ka ju long ka rukom ba ha shwa kano kano ka general election ka ju don beit ka jingpynkynriah kam ïa ki bor synshar district naduh ki DC bad ki SP, kumta ruh mynta ba la jan ka election MLA bad sa tang hynriew bnai ka la long ha kane ka jylla ka la don ka jingpynkynriah kam shwa ïa ki DC.
ïa u DC ka West Jaintia Hills u bah GLSN Dykes, IAS la pynkynriah noh ban long u DC ka West Khasi Hills, Nongstoin bad ha ka jaka jongu la wanrah noh ïa u bah B.S Sohliya IAS ban long u DC. U bah Batlang u peit mynta ïa ka Water Resources, CEO Shillong Municipal Board.
ïa u bah B.G Kharmawphlang IAS ba dei Joint Secretary jongka Urban Affairs, Director Joint Affairs la thung kum u DC jongka South West Garo Hills, Ampati.
ïa u C.J Chelani, IAS Deputy Secretary Planning la thung kum u DC jongka East Garo Hills.
