Jowai, Nailar 04 : Ka jingïalehkai phutbol Quarter Final jong ka ‘5th Debo Shullai Memorial Trophy’ 2nd Division Football League Cum Knockout Tournament-2022 bala pynïaid da ka West Jaiñtia District Sports Association (WJDSA) mynta ka sngi ha madan Kiang Nangbah Stadium Jowai.
Haba phai sha ka jingïakhun ka kynhun ïalehkai jong ka Iawmulong Nartiang kala lah ban pynlien da 6-3 kol ïa ka Phramer, ïa ki kol na ka Iawmulong Nartiang kawei ka kol la kum thep bakla (O.G) ha ka minit ba 27, u Sambormiki Nongtduh ula ïoh thep ha ka minit ba 20 & 80+5, u Bani ioo Shadap ha ka minit ba 36 bad u Ebanskhem Nongtduh ha ka minit ba 50 bad u Shemphang Phalangki haka minit ba 75. Na ka liang ka Phramer ïa ki kol la thep da u Francis Sumer ha ka minit ba 34, u Riki Suchiang ha ka minit ba 63 bad u Shibormi Suchiang ha ka minit ba 70.
Katba ha ka jingïakhun kaba ar ka West Madan Mustem ka la pynliem da 2-1 kol ïa ka Panaliar, ïa ki kol na ka West Madan Mustem la thep da u Sumioo Tariang ha ka minit ba 3 & 77, katba na ka Panaliar ïa ka shikol la thep da u Obram Sumer ha ka minit ba 59.
