Jowai, Nailar 03 : Ka lympung ïalehkai phutbol Independence Day Cup Under-17 Football Tournament 2022 ba la pynïaid da ka West Jaiñtia District Sports Association (WJDSA), kaba la long mynta ka sngi ha madan Kiang Nangbah Stadium, Jowai.
Haba phai sha ka jingïakhun ba nyngkong ka kynhun ïalehkai jong ka Sohmynting kala lah ban pynliem da 1-0 kol ïa ka Nangbah Sports Association, ïa katei ka shikol na ka Sohmynting la thep da u Nidawanchwa Kharlukhi haka minit ba 57.
Ha ka jingïakhun kaba ar kaba la long hapdeng Sabahmuswang pyrshah ïa ka Dongmihsngi kila poi noh sha ka jingïakhaid da mar 2-2 kol, ïa ki kol na ka Dongmihsngi la thep da u Chanmi Phawa haka minit ba 14 bad u Pyrkhatshaphrang Sumer haka minit ba 43, na ka liang ka Sabahmuswang la thep kol da u Tipmiki Shylla haka minit ba 28 bad u Lakhon Dkhar haka minit ba 47.
Katba haka jingïakhun ba lai ruh kaba poi sha ka jingïakhaid da 2-2 kol hapdeng Royalpole Mihmyntdu pyrshah ïa ka Evergreen Mukhla, ïa ki kol na ka Evergreen Mukhla la thep da u Threll Dkhar haka minit ba 14 bad u Bantei Lamare ha ka minit ba 42. Na ka Royalpole Mihmyntdu la thep da u Nganpynshongdor Niang haka minit ba 25 bad u Dapdor Ymbon haka minit ba 29.
