Yn pynlong ka AIM ïa ka prokram “Quit India Movement” halor ka jingdap 80 snem ka jingïalam u Gandhi

Shillong, Nailar: Ka Awaken India Movement (AIM) kan pynlong ïa ka program “Quit India Movement ” halor ka jingdap 80 snem kynthih na bynta ka jingïalam u Kpa ka Ri India, U Mahatma Gandhi kum ka dak jingbburom ïa ki matti ksiar kumba u la wanrah halor baroh ki khun ka Ri India baroh kawei.
Kane ka movement yn pynlong ha ka 9 tarik mynta u bnai ka ban sdang naduh ka por 10 baje mynstep ter ter. ïa kane ka Quit India Movement yn pynlong hi hapoh Shillong lyngba ka Mahatma Gandhi Road (M. G. Road) hajan jongka Meghalaya Main Secretariat.
Ka kynhun ka pynkynmaw ba u Mahatma Gandhi u la pynmih ïa kane ka mat naduh u snem 1942 ha ka ban ïeng ïakhun pyrshah ïa ka Sorkar Phareng (British Rules). Kumta na ka liang jong ka kynhun AIM kan pynlong ha baroh kawei ka Ri India kumjuh hangne hapoh ka Jylla Meghalaya lyngba ka jingïalam ka AIM Meghalaya State Unit.
Ka jingpynlong ïa kane ka program kan long halor ki mat ba kongsan ha kaba yn ïeng dawa na la ka jong ka Sorkar ba ka dei ban pyntreikam noh ïa ka “HEALTH FREEDOM” bad ba dei ban weng noh ïa kane ka jingwanrah ïa ka jingsynshar donbor halor u Paidbah baroh uba dei ban im laitluid ha la kajong ka Ri bad ka Jaidbynriew, ka ba long ruh ka Ri Synshar Paidbah (Democratic Country).
Ka jingwanrah ha ka ban pynsngew ïa kine baroh da ka ba ong ba ka dei lyngba ka World Health Organisation (WHO) ka long pynban da kaba synshar donbor da u Bill Gates (American Business Man) kum u khraw spah jong ka pyrthei, ha ka ba la pyrshang ban wanrah shisyndon ïa ka jingshimti ha lade ha baroh ki liang khamtam naduh ka synshar khadar bad kiwei kiwei, kumjuh wat halor ka hok longbriew manbriew khlem da kheiñ dor shuh da kaba yn shim noh jubor ïa ka jingim briew shisyndon na lyndet lyngba ka jingpynmih ïa ki jingpang khlam ba bun rukom bad ki dawai kiba khlem da lah ban ai jingshai kat haduh kine ki sngi ba mynta da ka ba wan hap pynban da ka World Depopulation.
Ka kynhun ka la ong ba ka jingwan ban ïeng pyrshah ïa u paidbah da kaba shu pynbor ban shim dawai ne wat ban shim TIKA Covid khlem da ñiewkor ïa ka hok bad ka jingshisha ha manla iwei pa iwei napdeng ki parabriew, ka la pynmih ïa shibun ki jingeh bad khamtam halor ka jingjaw ummat ki paidbynriew ha kiba bun ki jaka jong ka Jylla da ka jingïap noh ki para bynriew hapdeng ka por ka bym shym la poi pyrkhat.
Na ka liang jongka kynhun AIM Meghalaya State Unit lyngba une u kyrwoh ka la ong ba kan hap ban ïeng ruh ban dawa na ki bor Sorkar ha ka ban wanrah ki jingïada kiba skhem halor ki jingbam jingdih kiba biang na bynta ka koit ka khiah jong u Paidbah baroh uba dang im ha kane ka sla pyrthei bad badei ban tip paidbah kum ka “FOOD SECURITY”. Ka AIM kan dang ïai dawa shuh shuh halor ki lad ki lynti ban dang wanrah ki jingkyntiew halor ka rep ka riang ha la kajong ka Jylla khamtam na la kijong ki para Ri khnang ba kan ym ktah ïa ki Nongrep ne wat ban ym duhjait noh shisyndon ki mar rep kiba mih na la ka jong ka Jylla da kaba yn hap wat ban pyntreikam noh da ka Meghalaya Agricultural Policy.
Shuh shuh ka AIM Meghalaya, kan hap ruh kumjuh ban pynpaw halor ka Pule Puthih ka ba la wan jia ha la kajong ka Jylla khamtam halor ki khun khynnah ki bym ïoh lad shuh ban pdiang na ka bynta ka hok bad ka jinglaitluid kumba dei ban ïoh lyngba ka “EDUCATION POLICY”. Ka jingdawa naka Sorkar kalong ban kyntiew shaphrang na bynta ka jingnang jingstad katkum ka jingdonkam halor kane ka lawei pateng la pateng kaban dang sah khang ba kan ym pynsah dum ïa ki longdien man dien lem khamtam na bynta ki duk ki rangli kiba dei ban ïoh ïa ka jingnang jingstap khlem da pynleh nohei ïa ka kum ka spah bah kaba donkam ïa baroh.
Kumta ruh ka AIM Meghalaya a khot ka ïawer ïa baroh ki Paidbah Nongshong Shnong ki ba don ïa ka mynsiem sngewkhia namar ka lawei jongka Ri bad ka Jaidbynriew ka ban wan ha la ki jong ki Longdien Mandien, ban ïa mih shakhmat ha katei ka sngi, kynthup naduh ki nongtreikam sorkar, treikam lajong, ki khynnah skul khynnah pule, ki nongtrei bylla sngi bad ki nongrep, da kaba ngin pynpaw burom kum ki paidbah ba im halor ka Ri ba Laitluid bad ka Ri Synshar Paidbah, da kaba yn ïeng pyrshah bad ïeng ïada halor kane ka jingshah synshar beiñ bad leh donbor lyngba ki bor sorkar bad ym ailad ha kaban pyrshang ban wanrah ïa ka jingsynshar mraw ha la kajong ka Jylla.