Shillong, Nailar 02 : Ka tnat Bording jong ka Sorkar Pdeng, ha ka jingbteng ïa ka jingrakhe ïa ka Ujjwal Bharat Ujjwal Bhavishya ha kylleng ka ri, ka la pynlong ïa ka Bijli Mahotsav ha Laitryngew, Sohra Civil Sub Division East Khasi Hills District ha Meghalaya ha ka taiew ba la dep.
U MLA ka Sohra, u Bah Gavin Miguel Mylliem, uba la ïashim bynta ha kane ka prokram kum u kongsan u la ai jingïaroh ïa ki ophisar kiba la plié lad ïa ka bording ba kan poi sha man ki iing.
U Addl. Deputy Commissioner, I/C Sohra Civil Sub-Division, u Bah L. Kynjing u la ong ba u don ka jingsngewnguh ïa u Rangbah Shnong, ki ophisar ka NERLDC, Power System Operation Corporation Limited (POSOCO) bad ka MePDCL kiba la pynlong ïa kane ka prokram.
