Yn ym lah ban pynhiar shuki ïa u Symbud Myntri Rangbah, watla bun kiba la dawa ïa kane: Conrad

0

Shillong, Naiwieng 20: U Myntri Rangbah ka sorkar Jylla u Conrad K Sangma ula kyntait ïa ka jingdawa ba u Symbud Myntri Rangbah ka Jylla u Bah Prestone Tynsong ba udei ban hiar shuki noh namar ka jingkynthoh ka jong u ïa ki nonghikai ka KJDSTA kiba pynlong ïa ka jingïakhih mynta la bun ki sngi.
U la ong, “Ka jingkylli ba udei ban hiar shuki noh, kam mih satia wat la don bun ki jingdawa ba kynthup na ka seng saiñ pyrthei ka VPP bad TMC.
Na ka liang jong u, u la ong ba u Bah Tynsong u dei u briew uba biang tam ban ai jingpynshai halor ka jingkynthoh ka jong u ha kaba ïadei bad kane ka bynta.
U la ong, “Phi lah ban ïakren bad u Symbud Myntri Rangbah ka Jylla halor kane, nga tharai udei u briew uba biang tam ban ai ïa ka jubab halor kane ka bynta.”
U Sangma ula ong, ba ula dep ban iakren bad u Bah Tynsong halor katei ka jingjia.
U la ong, “Ngi lah don ïa ka jingïakren bad kila don katto katne ki kyntien bad ki jingsngewkhia halor katei ka bynta.”
U la ong ruh ba u Bah Tynsong ula kren kyllum shaphang ki jingsngewkhia hapdeng jong ki katto katne ki riewshimet ha ki katto katne ki bynta.
U Sangma ula ong nalor ki jingdawa ki kam saiñ pyrthei, ka sorkar kala trei met bad mynsiem na ka bynta ki paidbah bad ban pynbeit ïa ki jingeh kum kawei ka kynhun.
U la ong, “Kiba bun ki jingsngewkhia bad ki mat kidei kiba la lah ban pynbeit, ki dang bun ruh ki ishu kiba dang sah ban pynbeit bad ngi ngin ïai bteng kum ka kynhun ban trei ha ka rukom kaba biang, ha ka rukom da kaba ïatreilang bad kum ka kynhun.”

Leave A Reply

Your email address will not be published.