Ban khanglad ïa ka jingpynïap pathar ïa ki doh um pynjari kyndon BNSS ka DM EWKHD

0

Mairang, Naiwieng 20: Na ka bynta ban khanglad ïa ka jingpynïap pathar ïa ki doh um doh wah ha baroh ki wah bah bad wah duid kiba hap hapoh u pud u sam jong ka Eastern West Khasi hills district ka kong Anita Kharpor District Magisrate ka Eatern West KHasi hills ka la pynjari da ka kyndon Bharatya Nagarik Suraksha Sanhita 2023.
Ka jingpynjari ïa katei ka kyndn aiñ ka long na ka bynta ban khang pyrshah ïa kiba kem dohkha da kaba pyndonkam da ki kynja dawai bih namar ka jingpyndon kam ban ber dawai bih ka ktah ym tang ïa ki dohkha hynrei ïa baroh ki jingthaw ba im ha ki wah bad ka buh jingma ruh ïa ka jingkoit jngkhiah jong kito kiba bam ïa kito ki dohkha kiba la ïoh kem da kaba ber dawai bih bad wan die ha ïew ha hat ne ha shnong ruh kumjuh La pyntip ruh ba lada don kino kino kiba lap ïa kiba pyndon kam dawai bih ban kem doh kha ki dei ban puyntip sha ki bor ka aiñ.
La mana ruh ba lada lap ïa kino kino kiba ïaleh pyrshah da kaba pynkheiñ ïa katei ka hukum yn pynshitom ïa ki kaba pyngat ha ki kyndon aiñ jong ka BNSS 2023.
Ha kajuh ka por la kyrpad ïa baroh ki nongshong shnong ba kin ai ka jingïatreilang na ka bynta ban pynneh pynsah ïa ki dohum doh wah.

Leave A Reply

Your email address will not be published.