La shu syrdep jubor ïa ka surok : Isangsot ban khmih ïa kawei na ki surok ha Nongbah Shillong
Shillong, Naiwieng 19: Kan long kaei kaei kaba isangsot haba peit ïa ki surok hapoh ka nongbah Shillong ha kaba la ïohi ba la bun satang da ki jingpyndap khyndew ha kiba bun ki jaka la i kumba kane ka ka sorkar kaba mynta ka la duna pisa shibun.
Ha kaba ïadei bad kane haba na ka liang jong u nongthoh khubor uba la ïoh ka lad ban leit khmih ïa kawei na ki surok hapoh ka nongbah Shillong la shem ba ïa kane ka surok la shu syrdep bad theh da ka shyiap bad ki maw tang ban da rap jot.
Kane ka surok lah ban ong ba ka la ktah shibun ïa ki kali kiba ïaid na kane ka surok khamtam eh ïa ki ar shaka kiba hap ban khun kyllaiñ haba ki ïaid na kane ka surok bad khamtam eh ha kaba kane ka surok ka don ka jingïajan bad kawei ka wah hapoh nongbah Shillong.
Na na ka liang jong kiba bun balang ki la pynpaw ïa ka jingeh haba ki ïaid na kane ka surok khamtam eh ha kum kine ki por ba la sdang ban tyrkhong ka jinglong ka suiñbneng kumta ïa kane ka surok la donkam shisha ban maramot noh kham kloi na ka bynta ka jingbit jingbiang jong ki paidbah bad ki kali kiba ïaid kane ka surok manla ka sngi.