Da ki shityngka nar noh synniang ki nonghikai ka KJDSTA ha u Bah Prestone

0

Shillong, Naiwieng 19: Ki nonghikai kiba don hapoh ka shatri Khasi Jaintia Defecit School Teacher Association (KJDSTA) mynta ka sngi kila ïa noh synniang mar shi tyngka nar sha u Symbud Myntri Rangbah ka jylla u Bah Prestone Tynsong.
Kane kala jia hadien ba ki nonghikai ki dang pynkhlain ïa ka jingïakhih jong ki ha khmat ka ophis MBOSE kaba don ha Lachaumiere.
Kane ka drama, la sakhi ha ka sngi Palei ha ka por ba ki nonghikai kiba dei na ki lai tylli ki Zone kiba kynthup ïa ka Mawlai, Mawprem bad Nongthymmai zone dang pynlong ka jingïakhih halor ki mat jingdawa jong ki.
Kane ka pynpaw ïa ka jingpyrshah jur da ki nonghikai pyrshah ïa u Bah Prestone halor ka jingkynthoh jong u ba ki nonghikai kim pdiang ban ot wat tang shi tyngka na ka tulop jong ki.
Kine ki nonghikai kiba don ha katei ka jaka ba ïakhi jan baroh kila noh synniang da ka shi tyngka nar ha ka bowl kaba la buh hajan u mot jong ka KSU ba don mar pyrshah bad ka ophis MBOSE.
Kum ban shu kdew kii mat jingdawa jong ka KJSTA ki kynthup ban pyntreikam ïa ka CPF bad NPS, ban pyllait ïa ka 51% bad 53% Dearness Allowance bad ka Arrears 43% Dearness Allowance, ka jingpyntreikam ïa ka CPF Contribution kaba 10 % na ka tulop ki nonghikai bad ban pyndap ïa ki kam ba sah thylli.
Nangta ban pynduh ïa ka Meghalaya Non-government School and College Employees Centralized Provident Fund Scheme 2026 bad pyntreikam da kaba la mynjur ha u snem 2023, ban ai biang ïa ka Board of Trustees, bym dei ban pyntreikam ïa ka Structured Pay Framework ha ka Deficit System, ka tulop kaba biang por, ka jingpyntreikam ïa ka MACPS, ka jingkiar na kaba pynthut ïa ka Deficit System.

Leave A Reply

Your email address will not be published.