Kurup ki pulit ka East Garo Hills ïa ki kuli ba la buhrieh ha khlaw

0

Shillong, Naiwieng 19: Ki Pulit jong ka East Garo Hills District kila ïoh ïa ka jingtip ba don shibun bah ki kuli kiba la buhrieh ha khlaw ha ka shnong Rapdikgre kaba hap hapoh ka jingpeit ka Williamnagar Police Station ïa kaba la buh da ki briew kiba ym lah ban tip.
Na ka liang jong ki pulit mar ïa ïoh ïa kane ka jingtip kila pynlong ïa ka jingkhynra ïa ka khlaw ha ki jaka kiba la suba bala buh ïa ki kuli ha kane ka jingwad la ïoh ban kurup namar la buh ïa ki ha u klong um litter bad haba la ñiew ki don haduh 380 tylli kiba khlem paw pyndonkam bad ki dei ki kuli jong ka suloi Medium Machine Gun.
Ki pulit ki ujor ïa ka ejahar hapoh Williamnagar Police Station Case No. 40/2026, U/S. 25(1A)(1B) Arms Act, haba ïa dei bad kane ka jingtohkit ka la dang ïaid ban lap ïa kiba donkti ha kane ka kam ban buh ïa ki kuli ha katei ka jaka.
Na ka liang jong ki pulit ki khot ki wer ïa ki paidbah ban long kiba peitngor haba don kano kano ka jingsuba ban pyntip mardor sha ki pulit, ka long kaba donkam ban ïatreilang ha pdeng ki paidbah bad ki pulit ban lait na ki jingsniew bad ha ka juh ka por ka long ban pynneh pynsah ïa ka shongsuk shongsaiñ.

Leave A Reply

Your email address will not be published.