Hato,donkam ne em ïa ka kyrdan pule bad ka competative Exam na ka bynta ka kam nongmihkhmat paidbah kum ka kam MLA/MDC?.Kane ka dei ka jingkylli na ki paidbah ba bun balang mynta.Kumno,kat ka kyrdan nongsynshar ïa ki paidbah ba bun ym donkam satia ban pass ïa ka kyrdan pule hynrei shu ïoh kam heh beit khlem khreh kot ne leit pule ne khlem donkam ban ïaleh ïa kano kano ka competitive exam?
Ha ki por mynshwa,ki nongthep vote kim ju don EPIC ne dur vote satia hynrei tang na ka kyrteng Electoral Roll lah biang.Dei u T N Sechan,u Chief Election Commissioner ka ri India ha kito ki por uba la wanrah ïa ka EPIC bad kane ka dang treikam haduh mynta.Mynshwa, ki leh ne nion ha ki kot thep vote ne ballot paper hynrei hadien pat ki sa wanrah noh da ki kor ne machine thep vote ne EVM. Ka Election Commission of India ka la wanrah ki jingpynkylla thymmai katkum ka jingïaid bad tyllun jong ka por.Ym slem shuh ba ki paidbah kin shu thep vote noh na ki mobile phone jongki ban lait ka bunkam,ka por ka bor ha ka jaka ba kin leit thep vote sha ki polling station jongki ha ka sngi thep vote.
Kane kan pyllait ruh na ki jinglut jingsep ba bunjait bad ki jingsuk jingaram ha ki liang baroh naduh ka tnat Election jong ka state bad ka Election Commission of India ruh kumjuh. Baroh ki kam jong ka sorkar ki donkam beit ïa ki kyrdan pule bad jingtbit bapher bapher ha ki laiñ bapher bapher.Ki dei ruh ban pyllut da ki snem bad pyllut spah(invest) ruh da ki lak tang ban ïoh ïa ka kyrdan pule ban long kiba tbit ha ki laiñ bapher bapher.Ban long barikor ne engineer, dei ban pass ïa ka kyrdan BE,B.Tech, etc.Ban long nongsumar ruh donkam ban pass Doctor shwa.Ban ïoh hikai skul ruh donkam ban pass D.ELEd ne B.Ed,M.Ed,etc lym kumta ym shah wat tang ban applai kam hikai ruh.Ban shna jingshna ne ban suh ban thaiñ ruh khlem pass training kim ïohkam satia.Baroh ki jait kam ki donkam beit ïa ka jingpule ne training bapher bapher.Hynrei,dei pynban tang ka kam MP/MLA/MDC ki bym donkam jingpule ne training shuh hynrei lada phi nang duna ka kyrdan pule ruh, kin jop suk beit thik thik lada dei kiba bun ka eit ksuid/thlen(pisa).
Ka Election Commission of India ka la dei ban pyrkhat thymmai noh halor ki kyndon ban long MLA/MDC.Ka dei ban buh noh da ka kyrdan pule ïa kito ki kwah ban ïaleh MP/MLA/MDC.Ym tang katta,Ka Election Commission of India ka dei ban pynïaid(conduct) ruh ïa ki kynja Competitive Exam bad ki Interview kumba leh ïa ki nong applai kam ha UPSC ne MPSC ne DSC.Dei tang kito kiba la pass ne ïoh seriphikiet na ka Election Commission of India kumba leh ne conduct ka UPSC ïa ki kyrdan IAS ne ka MPSC ïa kiba pass MCS ki lah ban applai ïa ka kam MP/MLA/MDC.Ha kane ka juk stad mynta,kiba lah ban applai ne ïaleh ia ki Competitive Exam ïa ki kam MP/MLA/MDC kim dei satia ban duna ïa ka klass XII ne Degree shaneng.Lada jia ba ka Election Commission of India kan pyntreikam da kum kine ki kyndon,ka ïew luri-lura politics kan kham thanda shibun namar kiban rung ha ïing Dorbar thaw Aiñ kidei tang kito kiba la pass shisha ïa ka Competetive Exam kumba long ki IAS/MCS bad kidei hok shisha ban long ki nongsynshar ïa ki kam paidbah bad ka tulop kaba heh kam pher.Kum kine kin long shisha ki nongsynshar ki ban kham tbit ne kham shemphang ïa ka kam synshar khadar ha ka state ne ka ri hi baroh kawei.
