Ki lad jingïarap ka sorkar ba la pynïaid lyngba ka Block ophis ki ïaid beit BDO EWKHD

0

Mairang, Naiwieng 18: Ka Mairang C & RD Block ka dei kaba la don lah slem bah bad ki lad jingïarap jong ka sorkar kiba la pynïaid lyngba katei ka ophis ki long kiba ïaid beit ïaid ryntih bha.
U bah Anthony Lyngdoh Block Development Officer ka mairang C & RD Block haba ïakren bad u nongthohkhubor jong u Mawphor ha kamra trei kam jong u ha kane ka sngi balang ka 18 tarik Naiwieng u la ong ba wat la u dang wan shimti kum u BDO dang tang shisnem duna hynrei haba u pyrshang ban wad jingtip lyngba ki thup kyrteng jonhg ki skhim kiba ka sorkar ka pyntrei lyngba ka Block ophis u lap ba baroh ki lad jingïarap na ka bynta ki paitbah nongshong shnong hapoh ka district ki ïaid beit ïaid ryntih.
Ha kajuh ka por u la ong bay m lah ban len ba ka jingpyntrei ïa baroh ki skhim sorkar kiba la pynïaid lyngba ka Block ophis ki lah ban pyndep 100 % hynrei ki don katto katne ki bym lah ban biang thik katkum ka jingbtah jong ka sorkar.
Wat la katta ruh ki nongïoh bynta na ki skhim sorkar ki la ïeh katba lah ban pynbiang bad ka jingpyntrei jongh ki ïa ka skhim ba ki ïoh na ka sorkar ka lah ban long haduh 98 %.
Ha kaba ïadei bad ki skhim kiba thymmai kiba ka sorkar ka la ai ha kane ka samoi trei kam kaba u dang shu wan ban shimti u la ong ba ki don kumba hynriew tylli ki beneficiaries kiba ka jingpyntrei kan sa sdang noh shen ha kine ki sngi.
Ha kajuh ka por u la ong ba ki dang don shibun kiwei pat ki skhim kiba thymmai na ka bynta ki paitbah kiba ka sorkar kan dang pynpoi sha ka Block ophis bad u kyrmen ruh ba lada ki skhim bad ki lad jingïarap ba ka sorkar kan ai sha ki paitbah lyngba katei ka ophis kin dang poi kan long kajingmyntoi kaba khraw na ka bynta ki nongshong shnong.
U la ong ruh ban a ka liang jong u u kwah eh ba ki nongshong shnong kiba ïoh ïa ki jingïarap na ka sorkar kum ka PMAY skhim , ka jingtrei shispah sngi (MNREGS) ba mynshuwa bad kiwei kiwei ki jingïarap ki dei ban pyntrei kam hok khnag ba kan long ka jingmyntoi na ka bynta jong ki.

Leave A Reply

Your email address will not be published.