‘Ki kruiñ ki shong ha Secretariat’ : Ka dei ka jingkren beiñ ïa ki nonghikai, ïa kane ym lah ban pdiang, kynthoh ki banner ka HYC
Shillong, Naiwieng 17: Ka seng Hynñiewtrep Youth Council ha ka sngi baar ka la pynpaw ïa ka jingsngewbitar ïa ka jingkren tohmet u Symbud Myntri Rangbah ka jylla u Bah Prestone Tynsong ïa ki nonghikai kiba don ha ka lama jong ka Khasi Jaiñtia Deficit School Teacher’s Association da kaba wah banner ha Secretariat bad ha kiwei pat ki jylla, bad kiba bun na kine ki jingthoh ki kynthup ruh ia ki jingong bad kynnoh, ‘Bun na ki kruiñ kidei kiba shong ha Secretariat.’
U Bah Enlang Sawian Education Secretary ka seng HYC haba kren ha ki lad pathai khubor u la ong ba ka jingkynthoh u Symbud Myntri Rangbah ka jylla ban ong ba ki nonghikai kiba ïakhih ki dei ki kruiñ kum ka seng kam lah ban pdiang ïa kane ka jingkren.
U Bah Enlang u la ong ba kum ka seng ka don lang bad ki nonghikai kiba pynlong ïa ka jingïakhih bad kum ka seng ka pynrem jur ïa ka jingkren u Symbud Myntri Rangbah ka jylla namar ki nonghikai ki dei kita kiba ai ka jinghikai sha ki khynnah skul.
La ong ba kane ka jingkynthoh u Bah Prestone ka paw shai kane ka sorkar MDA kaba la ïalam da ka NPP kam don kata ka jingburom ïa ki nonghikai, la kynnoh kiba shong ha secretariat ki dei ki kruiñ, ka seng HYC ka ai ka jingkyrshan namar ka shim ba ki mat jingdawa kaba ki nonghikai ki dawa ki long kiba shongnia.
Ha kane ka sngi la ïohi ba ki dkhot ka HYC ha kane ka sngi ka sngi ki la pyrta shla ban pynrem ïa u Symbud Myntri Rangbah u Bah Prestone Tynsong uba la kynnoh ba ki nonghikai kidei ki kruiñ jong ka kam hikai.